សោម គារិទ្ធ
ក្នុងឱកាសគម្រប់ខួប ៧០ នៃការបង្កើតប៉ុស្តិ៍វិទ្យុអូស្រ្តាលី ក្នុងនាមខ្លួននាងខ្ញុំផ្ទាល់ នាងខ្ញុំសូមសំដែងនូវអំណរសាទរយ៉ាងកក់ក្តៅ និង សូមជូនពរសព្វសាធុការចំពោះថ្នាក់ដឹកនាំ និងបុគ្គលិកនៃវិទ្យុអូស្រ្តាលី និងតាមរយៈការស្តាប់រាល់កម្មវិធី ដែលមានសារៈប្រយោជន៍សំរាប់បង្កើនចំណេះដឹងដល់រូបនាងខ្ញុំ និងព្រមទាំងប្រជាជនខ្មែរទូទាំងប្រទេស។
ក្នុងរយៈពេល ៧០ឆ្នាំកន្លងមកនេះ ការផ្សព្វផ្សាយនៃវិទ្យុអូស្រ្តាលីនូវព័ត៌មានពិតមិនលំអៀងទៅខាងនយោបាយណាមួយឡើយ ហើយនាងខ្ញុំទទួលបានចំណេះដឹងជាច្រើនតាមរយៈការស្តាប់ ជាពិសេសកម្មវិធីចំណេះដឹងបង្រៀនភាសាអង់គ្លេស ពីព្រោះនាងខ្ញុំគ្មានពេលវេលាទៅសិក្សានៅសាលារៀនឡើយ ហើយនាងខ្ញុំរៀនតាមកម្មវិធីនេះធ្វើឲ្យនាងខ្ញុំទទួលបានចំណេះដឹងពីកម្មវិធីបង្រៀនភាសាអង់គ្លេសនេះ ហើយនាងខ្ញុំចូលចិត្តស្តាប់ការផ្តល់ព័ត៌មានលឿនទាន់ហេតុការណ៍ចំពោះព្រឹត្តិការណ៍ថ្មីៗ ជាពិសេសព្រឹត្តិការណ៍បច្ចុប្បន្ន និងនាទីកម្រងសង្គមដែលមាននៅក្នុងនោះ ដើម្បីឲ្យការងារយកព័ត៌មានមកផ្សាយជូនប្រិយមិត្តអ្នកស្តាប់កាន់តែទូលំទូលាយហើយច្បាស់ទាន់ហេតុការណ៍ទូទាំងប្រទេស និងនៅលើសកលលោក។ នាងខ្ញុំចូលចិត្តស្តាប់រាល់កម្មវិធីទាំងអស់នៃការផ្សព្វផ្សាយជាភាសាខ្មែររយៈពេល ១ម៉ោងជារៀងរាល់ថ្ងៃ។
ក្នុងឱកាសគម្រប់ខួប ៧០ នៃការបង្កើតប៉ុស្តិ៍វិទ្យុអូស្រ្តាលី នាងខ្ញុំសូមជូនពរឲ្យវិទ្យុអូស្រ្តាលីទទួលប្រជាប្រិយភាពពីសំណាក់មហាជនទូទាំងប្រទេស ដើម្បីជួយដល់ប្រជាជនកម្ពុជាបានទទួលចំណេះដឹងតាមការផ្សព្វផ្សាយជាភាសាខ្មែរនេះ។
ជាទីបញ្ចប់នាងខ្ញុំ សូមប្រសិទ្ធពរដល់បុគ្គលិកនៃវិទ្យុអូស្រ្តាលីជាភាសាខ្មែរទាំងអស់ឲ្យប្រកបតែសេចក្តីសុខក្នុងក្រុមគ្រួសារ និងសូមឲ្យ ខួបលើកទី ៧០នេះទទួលប្រជាប្រិយភាពលើសលប់បន្ថែមទៀតពីប្រជាជនខ្មែរ។
ថ្ងៃទី ៣០ ខែ វិច្ឆិកា ឆ្នាំ ២០០៩
ពីនាងខ្ញុំប្រិយមិត្តអ្នកស្តាប់
សោម គារិទ្ធ
About the author
អ្នកស្តាប់នៅប្រទេសកម្ពុជា
