John Nakamura – Skul Tisa
Nem blong mi John Nakamura na mi laik kongretuletim Radio Australia long 70 eniveseri blong en long givim ol gutpla infomesin na edukesin progrem long Asia Pacific rijen na olketa hap long wol. Gutpla tru blong Radio Australia long kavarim ol nius na ol narapla progrem long tok Inglis na tokples brodkas. Em wanpla long ol nambawan stret long wol. Mi laik kongretuletim em tu long wok blong ol niusman blong en raun long wol na Asia Pacific rijen husat i save ripot long wanem samting i kamap. Na mi askim ol lisana, sapos yu laik save moa long wanem samting i kamap long rijen, plis tunim redio igo long Radio Australia na em bai toksave long yu gut. Radio Australia, wantem ol niupla infomesin teknoloji, i mekim em i kamap klia tru long ol longwe ples olsem Kilenge long West New Britain, Papua New Guinea. Tenkyu Radio Australia long ol nambawan brodkas sevis blong yu na enjoim hepi eniveseri selebresin na gohet long brodkas long narapla wan handret yia. Tenkyu.
About the author
John Nakamura em wanpla praimeri skul tisa long Kilenge, West New Britain Provins. Em wanpla strongpla sapota stret blong Radio Australia na Tok Pisin sevis.
